თბილისის მერი, დავით ნარმანია, გამგეობებში ქურდული სამყაროს წევრობისთვის ნასამართლევი პირების არსებობით დაინტერესდა. ნარმანიას განცხადებით, თუ მსგავსი ფაქტი დადასტურდება, მერია შესაბამის ზომებს მიიღებს.

განცხადება ამ თემაზე ქალაქის მერმა დედაქალაქის მთავრობის სხდომის დასრულების შემდეგ გააკეთა, როდესაც მას კითხვა ალექსანდრე, იგივე საშკა სანაძის შესახებ დაუსვეს. სხდომაზე მყოფი ერთ-ერთი ჟურნალისტის განაცხადებით, წარსულში ქურდული სამყაროს წევრობისთვის ნასამართლევი სანაძე დღეს მთაწმინდის რაიონის გამგეობაში გამგებლის მოადგილის პოსტს იკავებს.

ჟურნალისტებთან საუბრისას სანაძის გამგებლის მოადგილის პოსტზე ყოფნას არც ნარმანია და არც თავად გამგებელი არ უარყოფენ, თუმცა ქურდული სამყაროს წევრობისთვის მის ნასამართლეობას არ ადასტურებენ .