ნატო-ს ახლად დანიშნულ გენერალურ მდივან იენს სტოლტენბერგსა და საქართველოს პრემიერ-მინისტრ ირაკლი ღარიბაშვილს შორის შეხვედრა შესაძლოა ნოემბერში გაიმართოს.

ამის შესახებ განცხადება საქართველოს საგარეო საქმეთა მინისტრმა გააკეთა. მაია ფანჯიკიძის თქმით, აღნიშნული შეხვედრა პრემიერ-მინისტრის ბრიუსელში ვიზიტის დროს შედგება.

ნატო-საქართველოს არსებითი პაკეტის იმპლემენტაციის გეგმის განხილვას მხარეები დეკემბრის თვეში განაახლებენ. დოკუმენტი საქართველოს თავდაცვის სამინისტრომ ნატო-ს საერთაშორისო სამსახურთან ერთად შეიმუშავა.

ჩრდილოატლანტიკურმა ალიანსმა ქართული მხარის მიერ შეთავაზებული გეგმა მოიწონა და არსებითი პაკეტის დროულად განხორციელებაში სრული მზადყოფნა გამოთქვა.