თავდაცვის სამინისტროში ნატოს მოკავშირეთა გაერთიანებული ძალების უმაღლესი მთავარსარდლის, აშშ-ის ევროპული სარდლობის მეთაურისა და საქართველოს თავდაცვის მინისტრის შეხვედრა მიმდინარეობს.

მხარეები ნატოს უელსის სამიტზე მიღებულ გადაწყვეტილებას, საქართველოში ნატოს საწვრთნელი ბაზების აშენებასთან დაკავშირებით და რეგიონალური უსაფრთხოების საკითხებს განიხილავენ.

სამინისტროში აცხადებენ, რომ დღევანდელი ვიზიტი მკაფიო გზავნილი იქნება ნატო-საქართველოს თანამშრომლობის მნიშვნელობაზე.

შეხვედრის დასრულების შემდეგ ერთობლივი ბრიფინგი გაიმართება. დღესვე გენერალი ბრიდლავი პრემიერ-მინისტრს შეხვდება, რის შემდეგაც მას თბილისის სახელმწიფო უნივერსიტეტის სტუდენტები უმასპინძლებენ. ფილიპ ბრიდლავი საქართველოს საღამოს დატოვებს.