"შევინარჩუნოთ ქართველებისა და ებრაელების საუკუნოვანი მეგობრობა“, - ამ სახელწოდების აქცია თბილისში სინაგოგასთან გაიმართა, სადაც მართლმადიდებელი სასულიერო პირებისა და საზოგადოების ნაწილი ხანუქისა და სხვა ებრაული დღესასწაულების ქალაქის ქუჩებში აღნიშვნას აპროტესტებდნენ.

აქციის მონაწილეები მიიჩნევენ, რომ ყველა ებრაული დღესასწაულის აღნიშვნა უნდა მოხდეს სინაგოგაში, რადგან ისინი ეწინააღმდეგება ქრისტიანულ სარწმუნოებას. მათივე თქმით, ქართველებს სურთ ებრაელებთან მეგობრობა და სწორედ ამ მეგობრობას ხანუქის ქუჩაში აღნიშვნა ხელს უშლის.