ჩეხეთის საპარლამენტო დელეგაციის წევრები თბილისში ვიზიტის დროს, რუსულ-აფხაზურ დოკუმენტზე იმსჯელებენ.

ჩეხი პარლამენტარები საქართველოში რამდენიმე საათის წინ ჩამოვიდნენ. სტუმრები სენატის ევროკავშირის საკითხის კომიტეტის წევრები არიან.

„ჩვენ მხარს ვუჭერთ საქართველოს სუვერენიტეტსა და ტერიტორიულ მთლიანობას, ამიტომ არ ვცნობთ რუსეთ-აფხაზეთს შორის გაფორმებულ არანაირ დოკუმენტს, ვფიქრობ ეს საკითხი ევროკავშირში არაერთი შეხვედრისა და მსჯელობის თემა გახდება“,- განაცხადა ერვოკავშირის საკითხთა კომიტეტის წევრმა.

3-დღიანი ვიზიტის ფარგლებში პირველი შეხვედრა დღეს საგარეო საქმეთა სამინისტროში გაიმართება. ჩეხი კანონმდებლები პარლამენტის თავმჯდომარესა და დეპუტატებს შეხვდებიან.

დაგეგმილია მოლაპარაკება რამდენიმე მინისტრთან. ვიზიტი კულტურულ პროგრამასაც ითვალისწინებს და სტუმრებს, თბილისის გარდა, კახეთშიც უმასპინძლებენ.