საქართველოს პრეზიდენტი გიორგი მარგველაშვილი იაპონიაში ოფიციალური ვიზიტით იმყოფება. ის უკვე შეხვდა იაპონიის სახელმწიფო მინისტრს საგარეო ურთიერთობების საკითხებში.

შეხვედრაზე მხარეები შეთანხმდნენ, რომ 2015 წელს მთავარ სესიაზე იაპონიის პარლამენტი იმსჯელებს, თუ როგორ მოიხსენიოს იაპონიამ საქართველო ოფიციალურ დოკუმენტებში. ჯერჯერობით იაპონიაში საქართველო მოიხსენება, როგორც „გრუზია“. იაპონიის პარლამენტის გადაწყვეტილებით „გრუზია“ შეიცვლება სახელწოდებით „ჯორჯია“.