,,გაყიდული ტელევიზიები“, ,,რეიტინგები“ და ,,რეკლამა“

,,გაყიდული ტელევიზიები“, ,,რეიტინგები“ და ,,რეკლამა“ - ვის ,,აწუხებს“ ქართული მედია

პოლიტიკა - 00:08, 21 Oct, 2014

3009

ნაციონალები კი არა, გაყიდული ქართული ტელევიზიები ეუმქრებიან საკუთარ ქვეყანას! - რეჟისორი გოგა ხაინდრავა ,,ასავალ-დასავლათან“ ქართულ ტელევიზიებს და ტელეწამყვანებს ,,ფარისევლობასა“ და ,,მომხვეჭელობაში“ ადანაშაულებს. გოგა ხაინდრავას მტკიცებით, ტელევიზიების მხრიდან ადგილი აქვს ,,ნაციონალური მოძრაობის“ ,,რეანიმაციას“.

,,ერთი ტელევიზია პირდაპირ რუსეთიდან იმართება, მეორე ტელევიზიას პირდაპირ სააკაშვილი მართავს, მესამე ტელევიზია სხვას ბაძავს და ცდილობს, ეშმაკებს ეშმაკობაში აჯობოს! ცქიტიშვილი-ბოკერიას შეთხზულ რეიტინგებს დასდევს“, - აცხადებს ხაინდრავა.

ხაინდრავა ტელეწამყვანებსაც აკრიტიკებს და მათ ,,სააკაშვილის დროში დარჩენილს“ უწოდებს, ,,ე.წ. ცნობადი ტელეწამყვანები ქვეყანას მიზანმიმართულად წარსულის ჭაობში ექაჩებიან“, - ამბობს ხაინდრავა.

რაც შეეხება რუსული კაპიტალით დაფინანსებულ ტელევიზიას, ხაინდრავა არ აკონკრეტებს რომელს გულისხმობს - ,,ვისაც ყური აქვს ისმინოს“, - პასუხობს ის ჟურნალისტს.

გოგა ხაინდრავა განსაკუთრებით ,,რუსთავი 2“-ზე საუბრობს და იმ ბიზნესმენებსაც აკრიტიკებს, რომლებიც ,,რუსთავი 2“-ს, ხაინდრავას თქმით ,,რეკლამის მეშვეობით ამდიდრებენ“.

,,და კიდევ, რუსთავი 2 არის სპეცსამსახური, რომელიც წლების განმავლობაში მიზანმიმართულად წამლავს ქართულ საზოგადოებას“, - აცხადებს გოგა ხაინდრავა.

,,ნიუპოსტის“ მიერ მომზადებული მასალის თანახმად, სადაც საუბარი იყო ბიძინა ივანიშვილთან ქობულეთში საგანგებოდა გამართულ თათბირზე, სადაც ბიძინა ივანიშვილი ექსპერტებს, ჟურნალისტებს და მისთვის საინტერესო პერსონებს შეხვდა. ივანიშვილთან შეხვედრის მონაწილეთა შორის იყო გოგა ხაინდრავა. როგორც ,,ნიუპოსტისთვის“ გახდა ცნობილი, გაუხმაურებელი შეკრება ეხებოდა ხელისუფლებისთვის მედიის დღეს არსებული საინფორმაციო პოლიტიკის მიუღებლობას და ,,ურჩი“ ჟურნალისტებისგან ტელევიზიების ,,გაწმენდას“. იხ: ლინკი