მიუხედავად იმისა, რომ ქალთა დისკრიმინაციის წინააღმდეგ საკანონმდებლო დონეზე მნიშვნელოვანი ცვლილებები უკვე განხორციელდა, პარლამენტი მზად არის სახალხო დამცველთან თანამშრომლობისთვის.

ვიცე-სპიკერ მანანა კობახიძის თქმით, პრაქტიკაში არსებული პრობლემების გადასაწყვეტად პარლამენტი მზად არის სახალხო დამცველის რეკომენდაციები გაითვალისწინოს.

„კანონში ძალიან მნიშვნელოვანი ცვლილებები განვახორციელეთ, რომელიც ქმნის იმ გარანტიას, რომ შრომით უფლებებში იყოს დაცული ქალის უფლება და არ გახდეს ის დისკრიმინაციის მსხვერპლი, თუმცა თუ პრაქტიკაში არის რაიმე პრობლემა და ამ ხარვეზის გამოსწორებისთვის დამატებით რაღაც ცვლილებაა საჭირო, ბუნებრივია ჩვენ მზად ვართ, რომ ამაზე ვიმსჯელოთ და გავაგრძელოთ ამაზე მუშაობა უკვე სახალხო დამცველის რეკომენდაციის გათვალისწინებით“, - განაცხადა მანანა კობახიძემ.