საქალაქო სასამართლოში , გუშინ პრემიერ-მინისტრის სახლთან დაკავებულების ადვოკატები და მხარდამჭერები იკრიბებიან. როგორც ცნობილია გუშინ პრემიერის სახლთან გამართულ აქციაზე 7 პირი დააკავეს, რომელთაგან 6-დაკავებულზე ადმინისტრაციული სამართალდარღვევის შესახებ სასამართლომ დღეს უნდა იმსჯელოს. თუმცა სხდომის დრო ამ დრომდე უცნობია. დაკავებილი მეშვიდე პირისლევან კვარაცხელიას საქმე კი ცალკე განიხილება, რადგან მისი ბრალი დამძიმდა, და ძიება სისხლის სამართლით გადაკვალიფიცირდა. დაკავებულებს შორისაა ბაჩო ახალაიას ადვოკატი რომეო საჯაია, რომელსაც წვრილმან ხულიგნობას ედავებიან.

როგორც ადვოკატი გოგა ონიანი აცხადებს, დღეს ადმინისტრაციულ სამართალდარღვევათა საკითხის განხილვისას დაცვის მხარე დააყენებს შუამდგომლობას განხილვის გადადების თაობაზე, რადგან მათ ჯერ, აქციის ვიდეომასალა და კადრების შესწავლა სურთ .

"ჩვენ გვაქვს სანახავი უამრავი კადრი, რისთვისაც დრო გვჭირდება, რათა მოსამართლეს დავუდასტუროთ, რომ ჩვენი დაცვის ქვეშ მყოფები არაფერ შუაში არიან. პრემიერმა ვერ აიტანა 100-კაციანი ახალგაზრდების აქცია, მაშინ როდესაც მისი გუნდი აკრიტიკებდა 26 მაისის აქციაზე პოლიციის ქმედებებს. უფრო მასშტაბური აქციების შემთხვევაში ბევრად უარესია მოსალოდნელი", - განაცხადა გოგა ონიანმა.

მისივე ინფორმაციით, რომეო საჯაიას დაკავების ოქმი რამდენჯერმე დაიხა. "ოქმი დაწერეს, დახიეს და ახალი შეადგინეს". ადვოკატის შეფასებით, საქართველოს პრემიერი ირაკლი ღარიბაშვილი "თავის პიროვნულ ამბიციებს ვერ გადაახტა და დაიწყო მის ხელთ არსებული ბერკეტების - სახელმწიფო რესურსის გამოყენება".

გუშინ ირაკლი ღარიბაშვილის საცხოვრებელ სახლთან გამართულ აქციაზე დეპუტატი აკაკი მინაშვილი და ადვოკატი გოგა ონიანი აქციის სხვა მონაწილეებთან ერთად პრემიერს სასამართლოზე ზეწოლის შეწყვეტისკენ მოუწოდებდნენ, რა დროსაც ფიზიკური დაპირისპირება მოხდა და სამართალდამცველებმა აქციის 7 მონაწილე დააკავეს.