საქართველოს მთავრობა პროექტ "აწარმოე საქართველოს" ფარგლებში ახალ პროექტს იწყებს. პროექტი მცირე ბიზნესის წარმოების ხელშეწყობას გულისხმობს. როგორც ცნობილია, მთავრობის ახალი ინიციატივისათვის 20 მილიონ ლარამდე თანხა გამოიყოფა და ის 5 ათასამდე მოქალაქეზე განაწილდება.

პრემიერ-მინისტრის განცხადებით თანხას ის პირები მიიღებენ, ვინც გადამზადების კურსს გაივლიან და კონკრეტულ ბიზნესიდეას წარმოადგენენ.

„ძალიან კარგი პროექტია, 20 მილიონალმდე ლარით დაფინანსდება ეს პროექტი და 5 ათას ადამიანზე გადანაწილდება, სწორედ იმ ადამიანებზე, რომლებიც შესაბამის გადამზადების კურსს გაივლიან. ვფიქრობ, ეს მათთვის კარგი შანსი იქნება", - აცხადებს პრემიერ-მინისტრი.

ღარიბაშვილი მოქალაქეებს მოუწოდებს, დაფინანსების მიღების შემდეგ შექმნან კოოპორატივები და ისე დაიწყონ მცირე ბიზნესის წარმოება.

„ვფიქრობ სწორი იქნება თუ შეიქმნება კოოპორატივები, შესაბამისად, გაერთიანდება რესურსიც“, - აცხადებს პრემიერი.