ვიცე-პრემიერი კახი კალაძე გაზეთ "ასავალ-დასავალთან" ინტერვიუში აცხადებს, რომ თუ მან დაინახა, რომ ის გუნდს არ დასჭირდა "ქუდს დაიხურავს" და თავის საქმეს მიხედავს. კალაძის განცხადებით, მას გავლენებზე არასდროს უფიქრია და მინისტრობაზეც უარს ამბობდა, როდესაც სთავაზობდნენ.

"კარგად მახსოვს, როცა მინისტრების შერჩევა იყო და წარმადგინეს ამ პოსტზე, ბიძინა ივანიშვილს ვუთხარი, რომ არ მინდა მინისტრობა-მეთქი, მაგრამ მითხრა საქმეს ასე სჭირდებაო! ვთვლი, რომ ჩემს გუნდს ვჭირდები ამ პოზიციაზე! მე ვარ აბსოლუტურად დამოუკიდებელი ადამიანი და თუ დავინახავ, რომ გუნდს არ ვჭირდები, ქუდს დავიხურავ და მივხედავ ჩემს საქმეს!", - აცხადებს კახი კალაძე "ასავალ-დასავალთან" ინტერვიუში.