ვიცე-პრემიერმა კახი კალაძემ საქართველოს პრეზიდენტსა და პრემიერს შორის არსებულ ურთიერთობაზე კომენტარს აკეთებს. კახი კალაძე "ასავალ-დასავალთან" საუბრისას აცხადებს, რომ არსებული ურთიერთობა კარგი არავისთვის არ არის. ამიტომ მისი თქმით, ყველაფერი უნდა გაკეთდეს, რომ მათ შორის ურთიერთობა დალაგდეს.

კალაძემ "ასავალ-დაასავალთან" კიდევ ერთხელ გაიხსენა მარგველაშვილის პრეზიდენტის სასახლეში გადასვლა. კალაძე მიიჩნევს, რომ მარგველაშვილის გაპრეზიდენტება ბიძინა ივანიშვილის დამსახურებაა.

"მე მახსოვს, რომ გიორგი მარგველაშვილი ავლაბრის რეზიდენციაში გადასვლის წინააღმდეგი იყო, მაგრამ ერთ მშვენიერ დღეს ადგა და იქ გადავიდა!ამის გამო გარკვეული უთანხმოებები წარმოიშვა, მაგრამ კარგი იქნებოდა, თვითონ ჩვენი გუნდის შიგნით მომხდარიყო ამის გარკვევა და ეს ყველაფერი გარეთ არ გამოსულიყო! ალბათ დამეთანხმებით, რომ გიორგი მარგევლაშვილის პრეზიდენტობაში ბიძინა ივანიშვილს დიდი წვლილი მიუძღვის. მთელი საარჩევნო კამპანიის განმავლობაში ბავშვივით დაატარებდა", -აცხადებს კახა კალაძე "ასავალ-დასავალთან" საუბრისას.