“პრეზიდენტის ადმინისტრაციაში მარგველაშვილ-პუტინის შეხვედრა მზადდებოდა”,- ამის შესახებ საქართველოს პრეზიდენტის ყოფილი მრჩეველი საგარეო ურთიერთობების საკითხებში, ვანო მაჭავარიანი, გაზეთ "კვირის პალიტრასთან" საუბარში აცხადებს.

მისივე თქმით, აღნიშნული იმის გამო ჩაიშალა, რომ შეხვედრა საქართველოს მთავრობამ არ მოინდომა. მაჭავარიანი განმარტებით, პუტინ-მარგველაშვილის შეხვედრა არ უნდა ყოფილიყო შეხვედრა შეხვედრისთვის.

"ჩვენ ამ მიმართულებით ნამდვილად ვმუშაობდით, ოღონდ არა ისე, რომ ეს ყოფილიყო შეხვედრა შეხვედრისთვის. ეს უნდა ყოფილიყო საქართველოსა და რუსეთის პრეზიდენტების შეხვედრა, ჩვენი საერთაშორისო პარტნიორების ჩართულობით. ამაზე ვესაუბრეთ ჩვენი პარტნიორი ქვეყნების პრეზიდენტებსა და პოლიტიკოსებს. მათ შორის - შეერთებულ შტატებს. მაშინ შეხვედრა არ მოხერხდა, რადგან მთავრობამ არ მოინდომა მარგველაშვილ-პუტინის შეხვედრა და ის ჩაიშალა. სხვა დეტალებზე საუბრისგან თავს შევიკავებ. დღეს კი სხვა ვითარებაა, მდგომარეობა გართულდა და უმაღლეს დონეზე შეხვედრის ორგანიზება ძნელია, თუმცა თუ პარტნიორი ქვეყნები ჩაერთვებიან, ამ მიმართულებით გარკვეული ნაბიჯების გადადგმა შეიძლება. ეს აუცილებელიცაა, რადგან რუსეთმა სოხუმთან ე.წ. ინტეგრაციის ხელშკერულების გაფორმება გადაწყვიტა", - განაცხადა მაჭავრიანმა გაზეთ "კვირის პალიტრასთან" ინტერვიუში.

წყარო: "კვირის პალიტრა"