"გიორხელიძის გატაცების ფაქტებზე დაკავებული 4 პირიდან არცერთს ”ქართულ ოცნებასთან” არანაირი კავშირი არ ჰქონდა," - ეს განცხადება დღეს ირაკლი ალასანიამ ჟურნალისტებთან მას შემდეგ გააკეთა, რაც "ნაციონალური მოძრაობის" წარმომადგენლებმა საგანგებოდ გამართულ ბრიფინგზე წარმაოდგინეს ამ პირების თავდაცვის სამინისტროში დანიშვნის შესახებ ალასანიას ბრძანების ასლი.

რაც შეეხება დურმიშხან ღვაჩლიანის თავდაცვის სამინისტროში მუშაობის ფაქტს, უწყების ხელმძღვანელმა ჟურნალისტის კითხვა საზოგადოებასთან ურთიერთობის სამსახურთან გადაამისამართა.

თავდაცვის სამინისტროს საზოგადოებასთან ურთიერთობის სამსახურმა აღნიშნული პირების უწყებაში მუშაობის ფაქტი დაადასტურა :

"დურმიშხან ღვარჩლიანი და ჯემალ შონია 2013 წლის 10 იანვარიდან მსახურობდნენ საქართველოს შეიარაღებული ძალების სამხედრო პოლიციაში. დურმიშხან ღვარჩლიანი, მხარეთა შეთანხმების საფუძველზე, 2013 წლის 15 ოქტომბერს გადაყვანილ იქნა კადრების განკარგულებაში. 4 თვის შემდეგ 2014 წლის 15 თებერვალს კი დათხოვნილ იქნა შეიარაღებული ძალებიდან."აღნიშნულია უწყების განცხადებაში