"ნაციონალური მოძრაობის" წარმომადგენელმა, ირმა ნადირაშვილმა დღეს საგანგებო ბრიფინგზე დოკუმენტის ასლი წარმოადგინა. რომლის მიხედვით, იოსებს გიორხელიძის ერთ-ერთი გამტაცებელი, დურმიშხან ღვაჩლიანი თავდაცვის სამინისტროს თანამშრომელი იყო.

ღვაჩლიანის სამეგრელო-ზემო სვანეთში გაერთიანებული შტაბის თანამშრომლად დანიშვნის შესახებ დოკუმენტს ხელს ირაკლი ალასანია აწერს. მინისტრის ბრძანება 2013 წლის 10 იანვრით თარიღდება.

"ამ დოკუმენტით ირკვევა რომ ეს ადამიანები მუშაობდნენ არა ნაციონალურ მოძრაობასთან ,არამედ ირაკლი ალასანიასთან დაინიშნა მისი პირადი ბრძანებით და იყო თავდაცვის სამინისტროს თანამშრომელი, რაც ტავისთავად ნიშნავს რომ ირაკლი ღარინბაშვილს ისინი არ გაუთავისუფლებია შსს-დან, ისისნი უბრალოდ დააწინაურეს და ირაკლი ალასანიამ გადაიყვანა თავდაცვის სამინისტროში, ეს დოკუმენტი ადასტურებს იმას რომ ჩვენი პრემიერი არის ორღობის ჭორიკანა, და არის ჩვეულებრივი მატყუარა, მე მას ვურჩევ, რომ სანამ მორიგ აბსურდს დააბრეხვებს, მოიკითხოს და მერე გაავრცელოს, ველოდები გამოაცხადებს თუ არა „თავისუფალ დემოკრატებს“ კრიმინალურ პარტიად და კრიმინალების თავშესაფრად, იმიტომ რომ ეს გატაცებაში ეჭვმიტანილი ადამიანი მუშაობდა ირაკლი ალასანიასთან."- განაცხადა ირმა ნადირაშვილმა.