მთავრობის ადმინისტრაციაში უსაფრთხოებისა და კრიზისების მართვის საბჭოს სხდომა მიმდინარეობს

პოლიტიკა - 12:02, 18 Oct, 2014

2200

საქართველოს მთავრობის ადმინისტრაციაში პრემიერ-მინისტრის ხელმძღვანელობით, უსაფრთხოებისა და კრიზისების მართვის საბჭოს გაფართოებული სხდომა მიმდინარეობს.
სხდომას ესწრებიან საქართველოს პარლამენტის თავმჯდომარე დავით უსუფაშვილი, საქართველოს თავდაცვის მინისტრი ირაკლი ალასანია, საქართველოს საგარეო საქმეთა მინისტრი მაია ფანჯიკიძე, საქართველოს იუსტიციის მინისტრი თეა წულუკიანი, საქართველოს შინაგან საქმეთა მინისტრი ალექსანდრე ჭიკაიძე, საქართველოს ფინანსთა მინისტრი ნოდარ ხადური, ევროპულ და ევროატლანტიკურ სივრცეში ინტეგრაციის საკითხებში სახელმწიფო მინისტრი ალექსი პეტრიაშვილი, საქართველოს საგარეო საქმეთა მინისტრის მოადგილე დავით ზალკალიანი, დაზვერვის სამსახურის ხელმძღვანელი დავით სუჯაშვილი, უსაფრთხოებისა და კრიზისების მართვის საბჭოს მდივანი მინდია ჯანელიძე, პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე, საქართველოს პარლამენტის საგარეო ურთიერთობათა კომიტეტის თავმჯდომარე თედო ჯაფარიძე, საქართველოს პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი, საქართველოს პარლამენტის ტერიტორიული მთლიანობის აღდგენის საკითხთა დროებითი კომისიის თავმჯდომარე გია ვოლსკი.
მთავრობის ადმინისტრაციის ინფორმაციით, აღნიშნულ სხდომაზე რუსეთის ფედერაციასა და აფხაზეთს შორის "მოკავშირეობისა და ინტეგრაციის შესახებ" ხელშეკრულების გაფორმების შემთხვევაში, საქართველოს მთავრობის სამოქმედო გეგმასა და 17 ოქტომბერს "რუსეთის ფედერაციის მხრიდან აფხაზეთის ანექსიის მცდელობის თაობაზე" პარლამენტის მიერ განცხადების მიღების შემდგომ განსახორციელებელ ნაბიჯებზე მსჯელობენ.