ნუ შეეწირებით გოგონებო მსხვერპლად ვიღაც იდიოტი ფემინისტების იდიოტურ პროპაგანდებს- ბაკურ სვანიძე

სოც.მედია - 20:35, 17 Oct, 2014

10541

ილიაუნიში მომხდარ მკვლელობის და თვითმკვლელობის ფაქტს ‘facebook“-ის საკუთარ გვერდზე იუმორისტი და პუბლიცისტი ბაკურ სვანიძე გამოეხმაურა:

„უმძიმესი თემაა, ვიცი, მაგრამ... ქალებმაც ცოტა ტვინი დააყოლეთ რა რაღაცეებს! წასვლას და გაშორებასაც თავისი ფორმა აქვს და უნდა ეცადო ისე წახვიდე და დაშორდე, რომ ბოლომდე თავზე არ დააჯვა, არ შეურაცხყო, და არ გადაუარო!
დაქალებთან მარიაჟობისთვის - "აი, რა მაგარი ქალი ვარ - დედა ვუტირე, დავტანჯე, გავამწარე კაცი და მაინც ჩემთვის გიჟდება და თავს არ მანებებსო" - აი, ამ ყოვლად ტუტუცური პოზიორობის გულისთვის არ ღირს ადამიანობის დაკარგვა!
პირადად ვიცი კონკრეტული შემთხვევები, როდესაც ქალი დაქალებს ემარიაჟება - "ვაგდებ და არ მიდისო" და ამ დროს პარალელურად ამ მამაკაცს ისეთი შინაარსის მესიჯებს უგზავნის, რომ იმ მამაკაცმა ვერანაირად ვერ შეძლოს წასვლა...
არ დამიწყოთ ახლა სისულელეები...ამ ყველაფერს, პირველ რიგში საკუთარ შვილს ვეუბნები! 16 წლის გოგოს! ნუ გარისკავთ სიცoცხლეს გოგონებო და ნუ შეეწირებით მსხვერპლად ვიღაც იდიოტი ფემინისტების იდიოტურ პროპაგანდებს... მამაკაცის წვალება არანაირად არ არის "მაგარი გოგოობა"! წასვლასაც თავისი წესი აქვს!
და გახსოვდეთ, ყველა მამაკაცს არ შეუძლია ძლიერი ნებისყოფა გამოავლინოს და ყველა მუტრუკი ვერ დაიზღვევს თავს აფექტისგან!
მსოფლიოშია ეს ტენდენცია - "ყოფილი ან მოქმედი პარტნიორების მიერ ქალების მკვლელობა" - საშიშად მაღალი სტატისტიკაა თითქმის ყველა ქვეყანაში! და არა მგონია, ეს მხოლოდ იმის გამო იყოს, რომ ჰოპ და მოულოდნელად მსოფლიოში ყველა მამაკაცმა ერთად გარეკა... ეს, სავარაუდოდ, სწორედ იმ უტუტუცურესი პროპაგანდების ბრალია, რამაც ქალების გარკვეული პროცენტი მართლა ჭკუიდან გადაიყვანა!
ნუ მეტყვის ნურავინ - "რაღაცეები არ გესმისო"...მე პირადად რომ გამივლია ამ მიმართულებით, იმის მეათედის გავლას და გამოცდას არ ვუსურვებ არავის!
მკვლელი მამაკაცი - ეს საშინელებაა! (ვაღიარებ, იქნებ ბეწვზეც ვარ ასეთი სტატუსისგან გადარჩენილი) მაგრამ, ამის მტკიცება თქვენ სიკვდილისგან ვერ დაგაზღვევთ! ამიტომ სიცოცხლეს გაუფრთხილდით ქალებო! და გთხოვთ ყველას - სწორად გაიგოთ ეს პოსტი“, - წერს სვანიძე.