საბერძნეთის სასამართლოს გადაწყვეტილებას დათა ახალაიას ექსტრადირებაზე უარის თქმასთან დაკავშირებით, ბაჩო ახალაია ე.წ. ნავთლუღის საქმეზე მიმდინარე სასამართლო პროცესზე გამოეხმაურა:

"თუკი ბერძენი და ფრანგი მოსამართლეები ხედავენ საქმეში პოლიტიკურ მოტივაციას, რატომ ვერ ნახულობთ ქართველ მოსამართლეები, მითუმეტეს რომ ყველაფერი თქვენს თვალწინ ხდება. ადამიანი რომელიც მთავრობას წარმოადგენს, გამოდის და აცხადებს, რომ მისი მთავარი პოლიტიკური ამოცანა არის ვიღაცეები ხელისუფლებაში არ მოვიდნენ. მთელი პარადოქსი ამაში მდგომარეობს, ჩვენ სწორედ ამიტომ ვართ ციხეში.“- განაცხადა ბაჩო ახალაიამ.