საქართველოს პრემიერ-მინისტრმა ირაკლი ღარიბაშვილმა ქართულ-რუსულ ურთიერთობების შესახებ ვრცლად ისაუბრა.

როგორც პრემიერმა განაცხადა ქართულმა მხარემ ყველა რესურსი გამოიყენა, რომელიც რუსეთთან ურთიერთობის ნორმალიზაციის კუთხით არსებობდა.

პრემიერმა დღეს ასევე კომენტარი გააკეთა აბაშიძე-კარასინის შეხვედრაზე. მისივე განცხადებით, ამ შეხვედრაზე განხილვის ერთ-ერთი საკითხი იყო აფხაზეთსა და რუსეთს შორის სავარუდო ხელშეკრულება, რომელიც შეიძლება გაფორმდეს. როგორც პრემიერი აღნიშნავს ეს ხელშეკრულება თავად დამღუპველი იქნება აფხაზებისთვის.

„მე მქონდა მცირე სატელეფონო საუბარი ზურაბ აბაშიძესთან, რუსულმა მხარემ პრაქტიკულად დაადსტურა, რომ ეს ხელშეკრულება არის განხილვის სტადიაში, უფრო სწორად დაიწყებენ ამის განხილვას, თუმცა რა ვადებში იქნებდა და რა ფორმით იქნება, დარჩება ეს ტექსტი ამ ფორმით, არ დარჩება, ამასთან დაკავშირებით მოგვიანებით გავრცელდება ინფორმაცია და მე ძალიან მაინტერესებს რა იქნება რუსეთის ხელისუფლების საბოლოო პოზიცია. ასევე, არ მინდა დავიჯერო, რომ რუსეთის ხელისუფლება აპირებს ჩვენ კონსტრუქციულ და პრაგმატულ პოლიტიკას უპასუხოს სწორედ აი ასეთი ნაბიჯით, ეს წესით, თუ ამას პრაგმატულად შევხედავთ არ უნდა შედიოდეს არავის ინტერესებში",- განაცხადა პრემიერმა ბათუმში, ჟურნალისტებთან საუბრისას.