საპარლამენტო უმრავლესობაში არ აქვთ ერთიანი პოზიცია, შეიმუშავებენ თუ - არა რეზოლუციის ტექსტს, რომლითაც საქართველოს პარლამენტი რუსეთსა და დე-ფაქტო აფხაზეთს შორის გაფორმებულ ხელშეკრულებას გააპროტესტებს.

არსებული ინფორმაცია, რომ საპარლამენტო უმრავლესობა "ნაციონალური მოძრაობისგან" დამოუკიდებელ რეზოლუციის პროექტზე მუშაობდა დღის ბოლოს გაქარწყლდა. სხდომა, სადაც კოალიცია ქართულ ოცნებას რეზოლუციის ტექსტი უნდა გამოექვეყნებინათ, ისე დასრულდა რომ დეპუტატებს რეზოლუციაზე არ უსაუბრიათ.

საპარლამენტო უმრავლესობის ნაწილი ფიქრობს, რომ რეზოლუციაზე მუშაობა მალე უნდა დაიწყოს, ნაწილს კი მიაჩნია რომ რუსეთისა და დეფაქტო აფხაზეთის ხელშეკრულებას სიღრმისეული ანალიზი სჭირდება.

რუსეთსა და დე-ფაქტო აფხაზეთს შორის გაფორმებულ ხელშეკრულებასთან დაკავშირებით საპარლამენტო უმცირესობამ კი პარლამენტში უკვე დაარეგისტრირა რეზოლუციის პროექტი. რამდნეიმე პუნქტიან დოკუმენტში ნათქვამია რომ უნდა შეწყდეს აბაშიძე კარასინის მოლაპარაკებები.