დედაქალაქის მერიასთან აქცია გამართეს დიდუბის ბაზრის მოვაჭრეებმა. მათი განმარტებით, ბაზრის მფლობელებს შორის არსებული დაპირისპირების გამო, ისინი ვერ ახერხებენ ვაჭრობას და ზარალს განიცდიან. ისინი მეტროს მხრიდან კარების გაღებას და ბაზრის ტერიტორიისთვის ღობის მოხსნას ითხოვენ.

აქციის მონაწილეებთან ერთად იმყოფებოდა დიდუბის რაიონის გამგებელი. დიდუბის რაიონის გამგებლის ირმა ზავრადაშვილის განცხადებით ბაზრის მოვაჭრეები გახდნენ ორი კერძო მესაკუთრის დავის მსხვერპლი, რომლებმაც ვერ გაიყვეს ბაზრის ტერიტორია. მისი განცხადებით, მერია და რაიონის ხელმძღვანელობა ეცდება, კომპეტენციის ფარგლებში აწარმოოს დიალოგი ბაზრის მეპატრონეებთან.

აქციის მონაწილეები, პრობლემის მოუგვარებლობის შემთხვევაში, განმეორებითი და ფართომასშტაბიანი გამოსვლებით იმუქრებიან