რამდენიმე წუთის წინ დასრულდა ჩეხეთის დედაქალაქში რუსეთთან ურთიერთობების საკითხებში საქართველოს პრემიერმინისტრის საგანგებო წარმომადგენლის ზურაბ აბაშიძისა და რუსეთის საგარეო საქმეთა მინისტრის მოადგილის გრიგორი კარასინის შეხვედრა. მხარეებმა ვერცერთ საკითხზე საერთო ენა ვერ გამონახეს.

„ეს იყოს მწვავე და მძიმე საუბარი“ განაცხადა „რუსთავი 2“-თან საუბრისას გრიგორი კარასინმა. თამარ ნუცუბიძის კითხვაზე, აპირებს, თუ - არა, რუსეთი ხელი მოაწეროს ახალ შეთანხმებას ოკუპირებული აფხაზეთის დე-ფაქტო მმართველ რეჟიმთან, კარასინმა პასუხი არ გასცა და მხოლოდ ის განმარტა, რომ აფხაზეთში ე.წ. საპრეზიდენტო არჩვენებში შემდეგ ახალი რეალობა შეიქმნა და რუსეთს სურს უფრო მეტად იყოს ინტეგრირებული აფხაზეთი.

შეხვედრაზე მხარეებს არ უსაუბრიათ მომდევნო მოლაპარაკებების თარიღზე. საქართველოს მთავრობის სპეციალური წარმომადგენლის, ზურაბ აბაშიძის განცხადებით, ფორმატის შენარჩუნება აუცილებელია და ემოციების ფონზე მისი გადახედვის, ან გაუქმების საკითხი დღის წესრიგში არ უნდა დადგეს.