ტოქსიკოლოგები მოსახლეობას მოუწოდებენ, თავი შეიკავონ ტყის სოკოს მიღებისგან. ჯანდაცვის სამინისტროს ბავშვთა ექსპერტ-ტოქსიკოლოგის ოთარ რუსაძის განაცხადებით, ბოლო კვირის განმავლობაში იაშვილის კლინიკაში სოკოთი ინტოქსიკაციასთან დაკავშირებით მიმართვიანობა საგრძნობლად გაიზარდა.

ტოქსიკოლოგი, ოთარ რუსაძე მოსახლეობას მიმართავს, რომ ბავშვებს სოკო არ აჭამონ. მისი განცხადებით, სოკო ბავშვებისთვის ჯანსაღ მდგომარეობაშიც ერთ-ერთი რთულად მოსანელებელი პროდუქტია. როგორც ოთარ რუსაძემ აღნიშნა, დიდი რაოდენობით არც სათბურში გამოყვანილი შამპინიონის მიღება არ შეიძლება. ექსპერტ-ტოქსიკოლოგის ინფორმაციით, ზოგადად სოკოთი დანაყრებაც არ არის რეკომენდირებული.

იაშვილის კლინიკაში გუშინ სოკოთი ინტოქსიკაციის შედეგად ხუთი წლის ბავშვი გარდაიცვალა. კლინიკაში ამ დრომდე სოკოთი მოწამლული 3 პაციენტი მკურნალობს.