სასტუმრო „დიპლომატში“ ამ წუთებში აბაშიძე-კარასინის შეხვედრა მიმდინარეობს. სწორედ ამ კონსულტაციებზე იქნება დამოკიდებული, გაგრძელდება თუ არა პრაღის ფორმატი.

მოლაპარაკებების დაწყებამდე რუს დიპლომატს კომენტარი არ გაუკეთებია. ჟურნალისტებთან მხოლოდ ზურაბ აბაშიძემ ისაუბრა. მთავარი საკითხი რუსეთის მიერ მომზადებული ხელშეკრულებაა.

„თუ ეს ხელშეკრულება გაფორმდება, ეს იქნება აფხაზეთის ანექსიისკენ გადადგმული ნაბიჯი, რასაც, რა თქმა უნდა მოყვება შესაბამისი სამართლებრივი შედეგები. გამოვთქვამთ იმედს, რომ რუსეთი ამ გზით არ წავა, რადგან ეს ძალიან სერიოზულად დააზიანებს იმ დიალოგს, რომელიც ჩვენ დავიწყეთ ორი წლის წინ“, - განაცხადა ზურაბ აბაშიძემ.

მან ასევე განაცხადა, რომ კარასინთან შეხვედრისას განიხილავენ იმ ქართველების საკითხს, რომლებიც რუსეთში ჯაშუშობის ბრალდებით არიან დაკავებულნი.