„რუსეთმა აფხაზეთის ანექსია ღიად დაიწყო“,- ასე აფასებს აფხაზეთის უმაღლესი საბჭოს თავმჯდომარე გია გვაზავა რუსეთსა და ოკუპირებ აფხაზეთს შორის მოკავშირეობისა და ინტეგრაციის შესახებ ხელშეკრულების პროექტს. მისი თქმით, უწყება ამ საკითხს დაწვრილებით სწავლობს.

რუსეთსა და ოკუპირებ აფხაზეთს შორის მოკავშირეობისა და ინტეგრაციის შესახებ ხელშეკრულება იგეგმება, რომელიც ფაქტობრივად აფხაზეთის რუსეთის ფედერაციაში ინტეგრაციას ითვალიsწინებს - როგოც სამხედრო, ასევე ეკონომიკური, სოციალური და კულტურული კუთხითაც. ამის გამო, მას მოწინააღმდეგეები სოხუმელ სეპარატისტებს შორისაც გამოჩნდენენ.

რას აპირებს ოფიციალური თბილისი ამასთან დაკავშირებით და დადგება თუ არა ეს საკითხი აბაშიძესა და კარასინის შეხვედრაზე? ამ და სხვა საკითხებზე აფხაზეთის უმაღლესი საბჭოს თავმჯდომარე გია გვაზავა საუბრობს.

„აფხაზეთის დე ფაქტო პარლამენტი, მისი თავმჯდომარე და ძალიან ბევრი წევრი ამ ხელშეკრულების წინააღმდეგია. ისინი ამბობენ, რომ სურთ რუსეთთან ინტეგრაცია, თუმცა ამ ხელშეკრულებაში სულ სხვა რაღაც არის ჩადებული - ფაქტობრივად, ეს აფხაზეთის ანექსიას ნიშნავს. წარმოიდგინეთ, რომ თვითონ აფხაზებს ეშინიათ ამ ხელშეკრულების. იქ რაც წერია, ინტეგრაციას კი არა რუსეთთან შერწყმას გულისხმობს.

ეს ხელშეკრულება გაფორმდება?

- საფრთხე არის, იმიტომ რომ ხაჯიმბა ზუსტად ამისთვის არის დაწინაურებული. ასოცირებული ხელშეკრულების ფორმას აძლევენ.

გამოსავალი რაშია?

- საქართველოს ერთადერთი რამ შეუძლია - საგარეო საქმეთა სამინისტრომ მთელსმსოფლიო მიმართოს და დაგმოს ეს ყოველივე. ხელისუფლების პირველი პირების მეშვეობით სერიოზული შეფასებები უნდა გაკეთდეს, რუსეთის ქმედება კიდევ ერთხელ უნდა დაიგმოს და იყოს მოთხოვნა, რომ მსოფლიომ არ ცნოს. სხვა ვერაფერს ვერ გავაკეთებთ.