მიშამ საკმაოდ სერიოზული საპროგრამო დოკუმენტი დადო- მამუკა გამყრელიძე

სოც.მედია - 19:53, 15 Oct, 2014

3102

საქართველოს ყოფილი ელჩი ჩინეთში მამუკა გამყრელიძე სოციალურ ქსელში მიხეილ სააკაშვილის მიერ გავრცელებულ საგანგებო მიმართვას ეხმაურება:
"მდაააა...... იმ უცნაური შეხვედრის შემდეგ სარფში, რომელმაც საზოგადოებაში კითხვების მეტი ვერაფერი გააჩინა, მიშამ, ახლა უკვე, საკმაოდ სერიოზული საპროგრამო დოკუმენტი დადო ქართული სამოქალაქო საზოგადოების განსახლველად. ჯერ მხოლოდ ზერელედ გადავიკითხე, მაგრამ აქვე ჩანს, რომ აუცილებელია ამ მიმართვის სერიოზული შესწავლა. უკვე წარმოვიდგენ აღტაცებულ აპლოდისმენტებს ერთი მხრიდან და წყევლა-კრულვას მეორე ფლანგიდან. სინამდვილეში ეს მიმართვა განკუთვნილია ჩვენთვის, იმ ქართული საზოგადოებისთვის რომელსაც გააზრებულად სურს ქვეყნის წინსვლა და არა რომელიმე პოლიტიკური პარტიის არჩევნებში გამარჯვება. გირჩევთ რამოდენიმეჯერ დაკვირვებით წავიკითხოთ ყველამ და გავიაზროთ ის რაციონალური მარცვალი და იდეა რაც ამ დოკუმენტში უნდა იყოს, რათა მომავალში მაინც მივცეთ ხმა არჩევნებში პოლიტიკურ იდეას და არა პერსონალიას.P.S. ორიოდე კვირის შემდეგ, 8 ნოემბერს ალასანიას პარტიის ყრილობაა. საინტერესო იქნება ამ ყრილობის რეზოლუციის წაკითხვაც. დროა საზოგადოებამ მოითხოვოს პოლიტიკური პარტიებისგან არა ცარიელი პოპულისტური დაპირებები, არამედ სერიოზული და რეალისტური საპროგრამო დოკუმენტები !"- წერს გამყრელიძე