უშიშროების საბჭოს მდივანი, რუსეთ-აფხაზეთს შორის ახალ სამხედრო შეთანხმების მოსალოდნელ გაფორმებას რუსეთის ანექსიის პოლიტიკის გაგრძელებას უწოდებს. ირინა იმერლიშვილის განცხადებით, "ეს არის პირდაპირი დარტყმა ჟენევის ფორმატზე".

ირინა იმერლიშვილი ასევე დაეთანხმა თედო ჯაფარიძის პოზიციას კარასინი-აბაშიძის შეხევდრასთან დაკავშირებით და ზურაბ აბაშიძეს დიპლომატიური ტონი დაუწუნა.

"თედო ჯაფარიძის ინიციატივაზე, თუ რამდენად ღირს ეს მოლაპარაკებები ახლა, ბატონი ზურაბისგან არაკორექტული და არადიპლომატიური პასუხი იყო,“- აცხადებს ირინა იმერლიშვილი. უშიშროების საბჭოს მდივანი მიიჩნევს, რომ ამ რაუნდის გამოტოვება და ასე ერთგვარი პროტესტის გამოთქმა რუსეთის მიერ გადადგმულ ნაბიჯზე უფრო სწორი პასუხი იქნებოდა. მისი განცხადებით, რუსეთსა და აფხაზეთს შორის "მოკავშირეობისა და ინტეგრაციის შესახებ" შეთანხმება რუსეთის მხრიდან ანექსიის პოლიტიკის გაგრძელებაა.