საქართველოს მთავარი პროკურორი გიორგი ბადაშვილი ლატვიის რესპუბლიკის იუსტიციის სამინისტროს სახელმწიფო მდივანს რაივის კრონბერგისს შეხვდა.

მთავარმა პროკურორმა შეხვედრა მოადგილესთან გიორგი გაბიტაშვილთან და პროკურატურის წარმომადგენლებთან ერთად გამართა.

შეხვედრაზე გიორგი ბადაშვილმა სტუმრებს პროკურატურის საქმიანობა გააცნო და საზოგადოებაში უწყების როლის შესახებ ესაუბრა. ასევე დელეგაციის წევრებმა ისაუბრეს ლატვიის რესპუბლიკის გენერალური პროკურატურის სტრუქტურისა და იუსტიციის სამინისტროს მუშაობის შესახებ.

შეხვედრის დასასრულს მხარეებმა ურთიერთთანამშრომლობის გაღრმავების სურვილი გამოთქვეს და სამომავლო გეგმებზე იმსჯელეს.