სოფლის მეურნეობის სამინისტროში ENPARD-ის (ევროპის სამეზობლო პროგრამა სოფლის მეურნეობისა და სოფლის განვითარებისთვის) პროექტში ჩართულ არასამთავრობო ორგანიზაციებთან სამუშაო შეხვედრა გაიმართა. შეხვედრას ესწრებოდნენ ევროკავშირის, სასოფლო - სამეურნეო კოოპერატივების განვითარების სააგენტოს, გაეროს სურსათისა და სოფლის მეურნეობის ორგანიზაციის (FAO), გაეროს განვითარების ფონდის (UNDP)წარმომადგენლები.

შეხვედრა სოფლის მეურნეობის მინისტრმა, ოთარ დანელიამ გახსნა და დამსწრე საზოგადოებას სოფლის მეურნეობის სამინისტროს უახლოესი ერთი წლის გეგმები გააცნო. ოთარ დანელიამ ყურადღება გაამახვილა იმ გამოწვევებზე, რომელთა წინაშეც დღეს სოფლის მეურნეობის სამინისტრო დგას.

სამუშაო შეხვედრაზე ENPARD-ის (ევროპის სამეზობლო პროგრამა სოფლის მეურნეობისა და სოფლის განვითარებისთვის) პროექტის მონაწილე ოთხი კონსორციუმის (Oxfam, Care International, People in Need, MercyCorps,) წარმომადგენლებმა, პროექტის ფარგლებში განხორციელებული საქმიანობის შესახებ ანგარიშები წარმოადგინეს.

შეხვედრაზე ხაზგასმით აღინიშნა,რომ ევროკავშირის, სოფლის მეურნეობის სამინისტროსა და არასამთავრობო სექტორის ერთობლივი და კოორდინირებული მუშაობა ENPARD-ის პროექტის წარმატებით განხორციელებისთვის მნიშვნელოვანია. მხარეები შეთანხმდნენ, რომ ასეთი ფორმატის სამუშაო შეხვედრები სოფლის მეურნეობის სამინისტროში რეგულარულად ჩატარდება.