ექსკლუზივი - რას ყვებიან მეზობლები გიორხელიძის გატაცების შესახებ

პოლიტიკა - 16:09, 15 Oct, 2014

3723

19 წლის იოსებ გიორხელიძის მეზობლები 10 ოქტომბერს მომხდარ გატაცებას არასარწმუნოდ მიიჩნევენ. როგორც გიორხელიძის მეზობლები ყვებიან ტყვეობიდან დახსნილი ბიჭი მეორე დღეს "საეჭვოდ ბედნიერი" ნახეს.

"გიორხელიძე ტყვეობიდან დახსნის მეორე დღეს, დილით ვნახე, მაღაზიაში მიდიოდა. ისეთი ბედნიერი სახე ჰქონდა გამიკვირდა, ძალიან ძლიერი უნდა იყო ეს რომ შეძლო. როცა მომხდარის შესახებ გავიგე მე შიშით არ მეძინა, ის კი ისეთი ამაყი იყო შემშურდა, მის ადგილზე ერთი წელი ლოგინიდან ვერ ავდგებოდი", - ჰყვება მეზობელი.

მეზობლების თქით გიორხელიძეების ოჯახი, კორპუსის ახალი ბინადრები არიან და მათ იშვიათად ხედავდნენ. "დაახლოებით ერთი წელია, რაც აქ შეიძინეს ბინა, თუმცა ძალიან იშვიათად ვხედავდით. ეხლაც იმიტომ ჩამოსულან თბილისში რომ შვილს, იოსებს კუჭის ოპერაცია გაუკეთეს. მგონი ზედმეტი წონის გამო" ..

გიორხელიძეების მეზობლები გაკვირვებას ვერ მალავენ და უკვირთ როგორ შეძლეს გამტაცებლებმა 19 წლის იოსების სახლიდან ისე გაყვანა რომ არცერთ მათგანს არაფერი არ გაუგიათ. "ძლიან მშვიდი სამეზობლო ვართ, ჩვენს სადარბაზოში მცირედი ხმაურიც შესამჩნვია, ამიტომ ყველას გვიკვის, როგორ შეძლეს ამხელა ბიჭი ისე გაეტაცებინათ, რომ ვერავინ ვერაფერი გავიგეთ?!..".
რაც შეეხება იმ ფაქტს, რომ სახლში გამტაცებლები ,,გათბობის სამსახურის" სახელით შევიდნენ, მეზობლები ამ ფაქტზეც საკუთარ მოსაზრებას გამოთქვამენ: ,,რა დროს მოხდა ესეც გაუგებარია, თუკი ბიჭის გატაცება მოხდა დღის მეორე ნახევარში, როგორც წესი გაზის შემოწმებაზე ამ დროს აღარ დადიან ხოლმე და როგორ მოტყუვდა 19 წლის ბიჭი, რომ მათ კარი გაუღო? ან როგორ ენდო...?". კონკრეტულად რა დროს მოხდა გიორხელიძის სახლიდან გატაცება, ,,ნიუპოსტი"ინფორმაციის დასაზუსტებლად შს სამინისტროს დაუკავშირდა, თუმცა უწყებისგან ამაზე პასუხი არ მიგვიღია.

ამ დროისთვის გოთუას 8 ნომერში, გიორხელიძეების ბინაში არავინ იმყოფება.
არსებული ინფორმაციის თანახმად, 19 წლის გიორხელიძე 10 ოქტომბერს ფულის გამოძალვის მიზნით გაიტაცეს. შს სამინისტროს ცნობით, გამტაცებლები გიორხელიძის ოჯახს გამოსასყიდად 300 ათას დოლარს სთხოვდნენ. გამოძების ინფორმაციით, ჯემალ შონიამ და გიორგი ქალდანმა სახლში მოტყუებით შეაღწიეს და იოსებ გიორხელიძე იარაღის მუქარით გამოიყვანეს.