პრაღაში დაგეგმილი მოლაპარაკებების ერთ-ერთი მთავარი თემა ერთობლივი არმიის შექმნის შესახებ რუსულ-აფხაზური შეთანხმება იქნება. ზურაბ აბაშიძის განცხადებით, ქართული მხარე ამ საკითხს გზას ვერ აუვლის.

„ბატონი თედოს განცხადება არ არის საერთაშორისო მასშტაბის მოვლენა, რომ ამაზე რამდენიმე დღე ვისაუბროთ. ყველას მოსდის შეცდომები“, - ასე უპასუხა ზურაბ აბაშიძემ თედო ჯაფარიძის განცხადებას, იმის შესახებ, რომ შექმნილი რეალობიდან გამომდინარე დასაფიქრებელია რამდენად ღირს ამ შეხვედრის გამართვა. მისივე თქმით, ყველა საერთშორისო პარტნიორი მოუწოდებს ქვეყანას, რომ მოლაპრაკების ეს ფორმატი შენარჩუნდეს.

შეგახსენებთ, რომ მოსკოვში მომზადებული შეთანხმება გაერთიანებული საჯარისო ფორმირების შექმნას ითვალისწინებს, რომელიც მთლიანად რუსეთის გენერალიტეტის ხელმძღვანელობის ქვეშ იქნება.

აბაშიძის განცხადებით, იმ შემთხვევაში თუ რუსეთი შეხვედრაზე კახეთი-დაღესტნის გზის საკითხსაც დააყენებს, ქართული მხარე ამ თემას შეისწავლის, განიხილავს და შესაბამისად გამოიტანს დასკვნას სახელმწიფოებრივი ინტერესებიდან გამომდინარე.

გარდა ამისა პარაღის არაფორმარლურ მოლაპრაკებებზე ასევე უნდა განიხილონ ევროკავშირთან ასოცირების ხელშეკრულების გაფორმების შემდეგ რუსეთ-საქართველოს ურთიერთობები, მათ შორის სვაჭრო-ეკონომიკური მიმართულებით.

ზურაბ აბაშიძე ჩეხეთში დღეს გამთენიისას გაემგზავრა.