”ნაციონალური მოძრაობა” იოსებ გიორხელიძის გატაცების გამოსაძიებლად საპარლამენტო კომისიის შექნის ინიციატივით გამოდის. გიორგი გაბაშვილი აცხადებს, რომ გამოძიებაც და სახელმწიფო აპარატიც პოლიტიკური დაკვეთების შესრულებაზე მუშაობენ და ამას ის ფაქტიც ადასტურებს, რომ გიორხელიძის გატაცების ფაქტი პირველ დღესვე „ნაციონალურ მოძრაობას“ დაბრალდა. კომისიის შექმნის საკითხს უმცირესობის წევრები დღეს სესიაზე დააყენებენ.

უმრავლესობაში აცხადებენ, რომ ხელისუფლება მზადაა ყველა კითხვას უპასუხოს, თუმცა კომისიის შექმნა საჭირო არ არის.

პარალმენტში დღეს პლენარული სხდომა გაიმართება. კანონმდებლები პრეზიდენტის მიერ წარდგენილი უზენაესი სასამართლოს მოსამართელობის ორ კანდიდატთან დაკავშირებითაც იმსჯელებენ. ასევე განიხილავენ მესამე მოსმენით განსახილველ კანონპროექტებსაც. სხდომა ქუთაისში ჩატარდება და მას საპარლამენტო უმცირესობაც დაესწრება.