"მოუთმენლად ველი 2015 წლის მარტს, როცა კოტე კუბლაშვილი დაასრულებს თავის კარიერას", - ამის შესახებ იუსტიციის მინისტრმა, თეა წულუკიანმა ტელეკომპანია "რუსთავი 2"-ის ეთერში გადაცემა "არჩევანში" სტუმრობისას განაცხადა.

როგორც მინისტრმა განმარტა, ამის შემდეგ იმედი აქვს, რომ "გვეყოლება უზენაესი სასამართლოს ისეთი ხელმძღვანელი და მართლმსაჯულების მესვეური, რომელიც დაფიქრდება იმაზე, თუ როგორ გააძლიეროს მოსამართლე და გახადოს უფრო კომპეტენტური".

იუსტიციის მინისტრის მტკიცებით, დღეს ვერც ერთი მოსამართლე ვერ იტყვის, რომ დღევანდელი ხელისუფლება აკონტროლებს.