თეა წულუკიანის განცხადებით მას გარკვეული ეჭვები გააჩნია გიორხელიძის გამოსასყიდის მოთხოვნის საბაბით გატაცებასთან დაკავშირებით .

„მე მაქვს ეჭვი და მაინტერესებს ნაციონალების კამპანიის ნაწილი ხომ არ არის გარკვეული დანაშაულების დადგმა, მერე იმის ძახილით რომ დანაშაულმა იმატა და იმის იმედით რომ მთავრობა არის სუსტი და ვითომდა ვერ გამოიძიებს?! მეც და პრემიერმაც ვთქვით ერთი რამე, მე მაქვს ეჭვი და მინდა გამოძიებამ გამცეს პასუხი, რას ამბობს ეს ხალხი, ვიცნ იქნა დაკავებული, ხომ არ არის კავშირი გიორხელიძის საქმეზე დაკავებულებსა და ოპოზიციას შორის.“ - განაცხადა წულუკიანმა

„კუდი“ იყო იარაღი წინა მთავრობის ხელში, რომელიც მთავრობის სახელით ჩადიოდა დანაშაულს, ქმარი რომ ცოლს კლავს ეს ერთია, იქ გამოძიება უნდა ჩატარდეს და ქმარი დაისაჯოს, მაგრამ როდესაც სახელმწიფო ძალადობს საკუთარ მოქალაქეზე ეს გაცილებით მაღალი რანგის დანაშაულია. სახელმწიფო ძალადობის იარაღი იყო „კუდი“, დღეს ეს ახალგაზრდა გაიტაცა 4 „კუდის“ მაღალჩინოსანმა, რომელიც თავის დროზე გაათავისუფლა ღარიბაშვილმა სამსახურიდან. მე მაინტერესებს , ხომ არ არის ეს ხალხი დღესაც ყოფილი მმართველი გუნდის ხელში იარაღი. ხომ მაქვს უფლება რაღაცეები მაინტერესებდეს და არ გამოვრიცხავდე? “-აღნიშნა იუსტიციის მინისტრმა

ჟურნალისტის შეკითხვაზე დაამტკიცა თუ არა სასამართლომ რომ წინა ხელისუფლების პირობებში სახელმწიფო ჩადიოდა დანაშაულს, თეა წულუკიანმა განაცხადა , რომ გირგვლიანის საქმეზე აღნიშნული ფაქტი დამტკიცდა როგორც ქვეყნის შიგნით ასევე ქვეყნის გარეთ არსებულ სასამართლოშიც.