პარტია „ერთიანი ნაციონალური მოძრაობის“ წევრი დავით საყვარელიძე ირაკლი ღარიბაშვილის იმ განცხადებას ეხმაურება, სადაც პრემიერ-მინიტრმა იოსებ გიორხელიძის გატაცებაში „ნაციონალური მოძრაობა“ დაადანაშაულა.

დეპუტატის განცხადებით, ხელისუფლების მხრიდან უკვე ტრადიციად იქცა ძალიან მძიმე დანაშაულების პოლიტიკურ ოპონენტებზე გადაბრალება.

"სამწუხროა, რომ ჩვენი სახელმწიფოს მთავრობა და პირველი პირები მიჩვეულები იყვნენ და არიან უკადრებელის კადრებას. ამ უკადრებელის კადრება და დაბრალება დაიწყო ჯერ კიდევ ორი წლის წინ, როდესაც ბინძურად და უპასუხისმგებლოდ დააბრალეს პოლიტიკურ ოპონენტს ჩვილის, ბარბარე რაფალიანცის მკვლელობა. იმის ნაცვლად, რომ აქედან გაეკეთებინათ დასკვნები და ეს მათთვის ყოფილიყო გაკვეთილი, მათ სამწუხაროდ განაგრძეს და განაგრძობენ უპასუხისმგებლო, ბინძურ პოლიტიკას. უკვე აქ პოლიტიკა ზოგჯერ უძლურია და ალბათ, ფსიქიატრიული ჩარევა და მედიცინა უფრო ეფექტური იქნება",- განაცხადა საყვარელიძემ.