პოლიტიკური პარტია "ნაციონალური მოძრაობის" წევრი ნუგზარ წიკლაური პრემიერ-მინისტრ ირაკლი ღარიბაშვილის განცხადებას "ზნედაცემულ ტყუილად" აფასებს. ამის შესახებ განცხადება წიკლაურმა დღეს გააკეთა. მისი თქმით, პრემიერი ცრუობს და საზოგადოების გახლეჩვის პოლიტიკას განაგრძობს.

წიკლაურის აზრით, კუდ-ისა და სოდ-ის მაღალჩინოსნების დაკავების საქმეზე საპარლამენტო საგამოძიებო კომისია უნდა შეიქმნას.

„ძერჟინსკი და ეჟოვიც კი ვერ მოიფიქრებდნენ ისეთ ზნედაცემულ ტყუილს როგორიც დღეს იკდრა პრემიერმინისტრმა ღარიბასვილმა. მისი ეს განცხადება მიუთითებს იმაზე, რომ მთავრობა მთლიანად დაკარგა კონტროლი ქვეყანაში მიმდინარე პოლიტიკურ პროცესებზე. მოვუწოდებთ ხელისუფლებას შეწყვიტოს დამღუპველი პრაქტიკა საზოგადოების გახლეჩვის და დაპირისპირების . ყველა მნიშვნელოვანი თემა, რომელიც არსებობს ჩვენს საზოგადოებაში, იქნას გამოძიებული დეტალურად და სწორედ ამიტომ ამ ფაქტთან დაკავირებითაც ჩვენ მოვუწოდებთ მათ რომ შეიქმნას ერთობლივი საპარლამენტო კომისია. ცინიკურია, რომ ამ განაცხადებას აკეთებს თამაზაშვილების კლანის წარმომადგენელი, რომლის მმართველობის დროსაც კახეთში ათეუილობით ადამიანი იყო გატაცებული“,- განაცხადა წიკალურმა.

"მე მაქვს გონივრული ეჭვი, რომ ამის უკან დგას ორგანიზებული ძალა. დამრჩა შთაბეჭდილება, რომ ეს არის "ნაციონალური მოძრაობის" ხელწერა, თუმცა ამას, რა თქმა უნდა გამოძიება სჭირდება. ეს არის ის, რაზეც ალექსანდრე ჭიკაიძე საუბრობდა სულ რაღაც ერთი თვის წინ, რომ ეს არის ორგანიზებული ჯგუფი" - ეს განცხადება საქართველოს პრემიერ მინისტრმა ირაკლი ღაიბაშვილმა იოსებ გიორხელიძის გატაცების ფაქტის კომენტირებისას გააკეთა.