განათლების მინისტრს სახელისუფლო გუნდი კომპეტენციას უწუნებს

განათლების მინისტრს სახელისუფლო გუნდი კომპეტენციას უწუნებს - კრიტიკა პარლამენტში

პოლიტიკა - 21:15, 13 Oct, 2014

2128

საქართველოს პარლამენტის დეპუტატები და განათლების სფეროს წარმომადგენლები განათლების მინისტრს თამარ სანიკიძეს აკრიტიკებენ. ,,ლომაიას და შაშკინის კურსს აგრძელებთ“, - ასე მიმართა მინისტრს ფრაქცია ,,ქართული ოცნების“ წევრმა განათლების კომიტეტის თავმჯდომარემ ივანე კიღურაძემ, რომელმაც მეცნიერებისთვის თანხემბის გამოყოფაზეც გაამახვილა ყურადღება.

დეპუტატების და მეცნიერების შენიშვნები ძირითადად სახელფასო პოლიტიკას უკავშირდებოდა. მეცნიერებმა მინისტრს კომპეტენციაც დაუწუნეს. მათი თქმით, განათლებისა და მეცნიერების მინისტრი კარგად უნდა ერკვეოდეს მეცნიერებაში.

"ფული არსებობდა, იცით, რომ ადამიანები ასეთ მძიმე მდგომარეობაში არიან და 8 თვის თავზე გვიცხადებთ, რომ ეს ფული დახარჯულია და გამოყოფილია ინფრასტრუქტურისთვის. ასეთი რამ ცოტა ძნელი მოსასმენია. კონცეფცია რომ არ აქვს სამინისტროს, ეს ნორმალურია? აუდიტის დასკვნაში ეწერა, რომ კონცეფცია ადრეც არ ჰქონდა სამინისტროს და არც შეგიქმნიათ,"- უსაყვედურა კიღურაძემ მინისტრს.

მინისტრმა მის პასუხად განაცხადა, რომ შენიშვნას ვერ მიიღებს, რადგან სწორედ აუდიტის დასკვნას მიჰყვებიან. მისი თქმით, სამინისტროს კონცეფციაც აქვს და 10-წლიანი სტრატეგიაც.