საქართველოს პარლამენტის თავმჯდომარე ჟინევაში საპარლამენტთაშორისო ასამბლეის 131-ე სხდომაში საქართველოს საპარლამენტო დელეგაციას ხელმძღვანელობს. ასამბლეაში მონაწილეობის პარალელურად უსუფაშვილმა რამდენიმე ორმხრივი შეხვედრა გამართა, მათ შორის, პირისპირ შეხვდა გერმანიის ბუნდესტაგის თავმჯდომარეს ნორბერტ ლამერტს.

„შეხვედრაზე საქართველოსა და უკრაინაში შექმნილ ვითარებაზე იყო საუბარი და გერმანიის ბუნდესტაგის თავმჯდომარის დაინტერესება და სწორი ინფორმირებულობა ამ თემებზე განსაკუთრებით მნიშვნელოვანია“,- განაცხადა უსუფაშვილმა, რომელმაც ასევე აღნიშნა, რომ მომავალი წლის დასაწყისში გერმანიის ბუნდესტაგის თავმჯდომარე საქართველოს ეწვევა და ამის შესახებ მან თანხმობა დღეს ოფიციალურად მიიღო.