გალის ინციდენტების პრევენციის საკითხებზე რეაგირების ჯგუფის მუშაობაში გაერო-ს წარმომადგენელი სოხუმის ჩართვას ითხოვს, შედეგად გადაწყდება აღდგება თუ არა ოთხმხრივი მოლაპარაკებები. საოკუპაციო რეჟიმს კი საკუთარი მოთხოვნები და წინადადებები აქვს.

გაერო-ს წარმომადგენლის განცხადებით, აუცილებელია სოხუმის ჩართვა გალის ინციდენტების პრევენციის საკითხებზე რეაგირების ჯგუფის მუშაობაში.

„ჟენევის დისკუსიის ერთერთი მთავარი წარმატება ის იყო, რომ ინციდენტების პრევენციისა და მათზე რეაგირების ჯგუფი შეიქმნა. ჩვენ იმედს გამოვთქვამთ, რომ ეს შეხვედრები აღდგება“, - განაცხადა გაერო-ს წარმომადგენლმა.

აღნიშნულზე აფხაზეთის ე.წ. პრემიერმინისტრმა განცხადება გააკეთა და აღნიშნა, რომ აფხაზეთი იმ შემთხვევაში ჩაერთვება ამ მოლაპარაკებებში, თუ საქართველო ხელს მოაწერს შეთანხმებას ცეცხლის განუახლებლობის შესახებ, შედეგად კი აფხაზეთის ე.წ. მოქალაქეები შენგენის ვიზებს მიიღებენ.

„ყველაზე მნიშვნელოვანია შეთანხმება ცეცხლის განუახლებლობის შესახებ. ჩვენ იმედს ვამყარებთ ამ შეთანხმებაზე. მართალია ბოლო წლებში ომის დაწყების შიში არ გვაქვს, მაგრამ ჩვენი პოლიტიკური ელიტა ამ დოკუმენტს ელოდება“, - განაცხადა აფხაზეთის ე.წ. პრემიერმინისტრმა.