დავით საგანელიძე ოპონენტებს, მედიას, ხელისუფლებას და საზოგადოებას ბარბარე რაფალიანცის გარდაცვალების საქმესთან დაკავშირებით პოლიტიკური სპეკულაციების დამთავრებას ურჩევს.

უმრავლესობის ლიდერი აცხადებს, რომ ეს ოჯახური ტრაგედიაა, რომლის გამოძიება და შესწავლა აუცილებლად უნდა მოხდეს, თუმცა ამ საკითხის გადაქცევა შანტაჟისა და პოლიტიკური დაპირისპირების მიზეზად მიუღებელია.

„ხშირ შემთხვევაში ხდება რაღაც პოლიტიკური შანტაჟი და თემის პოლიტიკური დაპირისპირების საგნად ქცევა. ყველას ვთხოვ - ჟურნალისტებს, საზოგადოებას, მთავრობის წევრებს, პარლამენტარებს და ჩემს თავს პირველად, ოჯახურ ტრაგედიას, რაც უნდა იყოს აუცილებლად გამოძიებული, ნუ ვაქცევთ პოლიტიკური სპეკულაციების თემად და ვფიქრობ, რომ ეს პოლიტიკური სპეკულაციები მედიამაც და პოლიტიკოსებმაც უნდა დაამთავრონ“, - განაცხადა საგანელიძემ.