საქართველოს ეკონომიკის მინისტრი ფიქრობს, რომ კახეთ-დაღესტნის მაგისტრალი საქართველოსთვის ეკონომიკურად მომგებიანი ინფრასტრუქტურული პროექტი იქნება. გიორგი კვირიკაშვილს მიაჩნია, რომ ეს სწორი გადაწყვეტილება იქნება, რამდენადაც საქართველო რუსეთთან სავაჭრო ურთიერთობების გაღრმავება საგარეო პოლიტიკის ერთ-ერთი პრიორიტეტია.

პროექტის უსაფრთხოების საკითხზე კვირიკაშვილს პასუხი არ აქვს. ეკონომიკის მინისტრის განცხადებით, გზის უსაფრთხოების საკითხების შესწავლა შესაბამისმა უწყებების კომპეტენციაა.

„ჩვენ განვაახლეთ ვაჭრობა რუსეთთან. ამ თვალსაზრისით, ვფიქრობ, ვაჭრობისთვის ხელშემწყობი იქნება, რაც უფრო მეტი გზა გვექნება. როდესაც ლარსზე სტიქიით გამოწვეული პრობლემა გვაქვს, მგონი ურიგო არ იქნება ალტერნატივა გვქონდეს,“ - აცხადებს გიორგი კვირიკაშვილი.