დაღესტნისა და კახეთის დამაკავშირებელი გზის რეაბილიტაციაზე კომენტარი საქართველოს საგარეო საქმეთა მინისტრის მოადგილემ, დავით ჯალაღანიამ გააკეთა.

მისი განმარტებით, არსებული ვითარების ფონზე, ეს საკითხი საფრთხის შემცველია.

„რა თქმა უნდა ჩვეულებრივ მდგომარეობაში მას მხოლოდ ეკონომიკური და სატრანსპორტო კომუნიკაციის დანიშნულების სახე ექნებოდა, მაგრამ გამომდინარე იქიდან, თუ რა კონტექსტში განიხილება დღეისათვის საქართველო-რუსეთის ურთიერთობა, კერძოდ რუსეთი სამწუხაროდ კვლავ რჩება საქართველოს ოკუპანტ ქვეყნად, რომელსაც ტერიტორიის 20 პროცესნტი სამხედრო კონტროლის ქვეშ აქვს, რა თქმა უნდა აღნიშნული საკითხი საფრთხეებს შეიცავს და კითხვებს ბადებს. რაიმე კომუნიკაცია ამ საკითხზე ამ დრომდე საქართველო-რუსეთს შორის არ ყოფილა“, - განაცხადა ჯალაღანიამ.