მანანა ბერიკაშვილმა და ირაკლი ალასანიამ თანამდებობები უნდა დატოვონ

მანანა ბერიკაშვილმა და ირაკლი ალასანიამ თანამდებობები უნდა დატოვონ - მუხრან ბურჭულაძე

პოლიტიკა - 20:59, 12 Oct, 2014

5107

ბარბარე რაფალიანცის გარდაცვალების საქმის გამოძიებამდე მანანა ბერიკაშვილმა და ირაკლი ალასანიამ თანამდებობები უნდა დატოვონ, - ამის შესახებ ,,დემოკრატიული განვითარების ეროვნული ცენტრის“ ხელმძღვანელმა მუხრან ბურჭულაძემ სამეგრელოში მოსახლეობასთან მათი პრობლემების შესწავლის მიზნით გამართული შეხვედრისას განაცხადა. ,,ბერიკაშვილის კულტურის მინისტრის მოადგილის პოზიციაზე მუშაობა შეურაცხმყოფელია საზოგადოებისთვის. ეს არის საზოგადოებრივი ინტერესის მასხრად აგდება. გაირკვეს 9 თვის ბავშვის გარდაცვალების რეალური მიზეზი. პასუხი უნდა აგოს საკუთარ განცხადებებზე ირაკლი ალასანიამაც. დაუშვებელია ქართულ ჯარს ხელმძღვანელობდეს პირი, რომელიც ბავშვის გარდაცვალების საქმეზე პოლიტიკურად სპეკულირებს. საკითხავია ისიც, რას აკეთებდა კახეთში ალასანია არჩევნების ღამეს, მაშინ როდესაც ის სამეგრელოში იყრიდა კენჭს მაჟორიტარად. სამწუხაროდ „რაფალიანცის საქმე“ დასრულებული არ არის - დამნაშავე არ გამოვლენილა და დასჯილა უკვე ორი წელია. თუმცა გარკვეული და აშკაარა ვინ ცდილობდა ეს შემზარავი ამბავი საკუთარი პოლიტიკური ამბიციების და სპეკულაციებისთვის გამოეყენებინა. არ შეიძლება მომხდარი დავტოვოთ როგორც ბერიკაშვილის და ალასანიას „ წინასაარჩევნო ნიუსი“. ფაქტია, რომ პოლიტიკური უზნეობა ამ შემთხვევაში 9 თვის ბავშვის სიცოცხლის მოსპობას უკავშირდება. მოვითხოვ, მათ სამსახურებიდან გათავისუფლებას და სახელმწიფო სტრუქტურის მართვის უფლების შეჩერებას მინიმუმ „რაფალიანცის საქმის“ გამოძიების დასრულებამდე“, - აღნიშნა ბურჭულაძემ.