სახიფათო ტენდენციაა, როცა მენტალურად ვშორდებით ევროკავშირს და ვუახლოვდებით რუსეთს

სახიფათო ტენდენციაა, როცა მენტალურად ვშორდებით ევროკავშირს და ვუახლოვდებით რუსეთს - მუხრან ბურჭულაძე

პოლიტიკა - 20:19, 11 Oct, 2014

2368

სემინარს უძღვებოდა ,,დემოკრატიული განვითარების ეროვნული ცენტრის“ თავმჯდომარე მუხრან ბურჭულაძე და არასამთავრობო ორგანიზაცია ,,ახალგზრდა დიპლომატთა ლიგის“ დამფუძნებელი ბესიკ ექსეულიძე.

დღეს სომხეთი გაერთიანდა ევრაზიულ საბაჟო კავშირში, რა მოსალოდნელი საფრთხეები არსებობს საქართველოში, როგორია ხელისუფლების პოზიცია და რა როლს თამაშობს ამ ყველაფერში ახალგაზრდები-ეს ის თემებია, რომლებიც აღნიშნულ სემინარზე იქნა განხილული.

,,მიუხედავად იმისა, რომ საქართველომ ასოცირების ხელშეკრულებას მოაწერა ხელი, საკმაოდ საშიში ტენდენციაა, რომ მენტალურ ინტეგრაციას არ ვახდენთ ევროკავშირში და ვუახლოვდებით რუსეთს. რუსეთთან დამაკავშირებელი ახალი გზების მშენებლობით ვხდებით ევრაზიული საბაჟო ეკონომიკური კავშირის ნაწილი. სომხეთის ევრაზიულ კავშირში ინტეგრაციით მისი თვდაცვის და ეკონომიკური ინტერესები უნდა მოერგოს რუსეთის ინტერესებს, ეს კი თავისთავად ქმნის ცალსახა საფრთხეს საქართველოსთვის“- აღნიშნა ,,დემოკრატიული განვითარების ეროვნული ცენტრის“ თავმჯდომარემ მუხრან ბურჭულაძემ.

,,თუ ხელისუფლება ქმედით ნაბიჯებს გადადგამს ევრაზიული კავშირისკენ, არ გაითვალისწინებს მოსალოდნელ საფრთხეებს და გულგრილად მოეკიდება ასოცირების ხელშეკრულებას, ამ შემთხვევაში ჩვენი ორგანიზაცია დაიწყებს აქტიური ღონისძიებების გატარებას, იქნება ეს აქციები თუ სხვა ტიპის ღონისძიებები, სადაც ახალგაზრდები იქნებიან ჩართულნი, ვინაიდან ახალგაზრდების როლი დემოკრატიული განვითარებული სახელმწიფოს შექმნაში საკმაოდ დიდია. ჩვენ უარს ვამბობთ ევრაზიულ კავშირსა და რუსეთზე და ვიზიარებთ იმ ღირებულებებს რასაც ევროკავშირი გულისხმობს “- აცხადებს არასამთავრობო ორგანიზაცია ,,ახალგზრდა დიპლომატთა ლიგის“ დამფუძნებელი ბესიკ ექსეულიძე.

აღნიშნული ორგანიზაცია 27 დეკემბერს ჩაატარებს ფორუმს სახელწოდებით ,,ახალგაზრდების როლი ერთიანი დემოკრატიული სახელმწიფოს მშენებლობაში“, ფორუმის მთავარი თემა იქნება ევროკავშირი, ევრაზიული საბაჟო კავშირი, მოსალოდნელი საფრთხეები, ხელისუფლების რეაგირება და ახალგაზრდების როლი.