მომღერალი დათო ხუჯაძე აცხადებს, რომ მომღერლობა მისი პროფესიაა და იმღერებს იქ, სადაც თავად გადაწყვეტს. ამის შესახებ ხუჯაძემ ტელეკომპანია „იმედის“ გადაცემა „რეაქციაში“ ისაუბრა:

„როგორც ვატყობ, არის ადამიანების კატეგორია, რომლებიც თავიანთ პირად ინტერესებს და ამბიციებს ერთმანეთში ურევენ. ის ხალხი, ვინც იქ ცხოვრობენ, ისინიც არიან ქართველები და არ შეიძლება იმის თქმა, რომ მოღალატეები არიან. ის ვერ გამიგია, რატომ უნდა გადაწყვიტოს ვიღაცამ მე ან ვინმე ჩემი კოლეგა სად წავიდეს? თქვენ მიიღეთ მონაწილეობა სიმღერის ჩაწერაში და ღამეები ათენეთ? რატომ წყვეტთ თქვენ ჩემს მაგივრად? გასაგებია, რომ ვიღაცებზე არის გართულებები, მაგრამ ასეთი საუბარი არ შეიძლება, ჩვენ ჩვენი პროფესია გვაქვს“, - განაცხადა დათო ხუჯაძემ.