,,მთავრობის ახალი გზა რუსული ტანკებისთვის“

,,მთავრობის ახალი გზა რუსული ტანკებისთვის“ - მუხრან ბურჭულაძე

პოლიტიკა - 18:57, 10 Oct, 2014

2960

პუტინი არ ჩადებს ფულს იქ, სადაც ის მოგებას არ ელის, - ,,დემოკრატიული განვითარების ეროვნული ცენტრის“ ხელმძღვანელი მუხრან ბურჭულაძე ავარეთ-კახეთის ახალი საავტომობილო გზასთან დაკავშირებით საუბრობს და მას რუსულ პროექტს უწოდებს.

,,ავარეთ-კახეთის ახალი საავტომობილო გზა რუსული პროექტია და ის დღევანდელი გამოწვევების პირობებში საქართველოსთვის მხოლოდ საფრთხის შემცველია. ამ საავტომობილო მაგისტრალის მშენებლობა შედის მხოლოდ რუსეთის ფედერაციის ინტერესებში. შესაძლოა ვოლსკი ეჭვობდეს, რომ ეს გზა მხოლოდ რუსული ტანკების გადასაადგილებლად შენდება, მაგრამ ბუნებრივია, რომ პუტინი არ ჩადებს ფულს იქ, სადაც ის მოგებას არ ელის. ესაა პუტინის და რუსი ვაჭრის ერთობლივი პროექტი, რომელიც საქართველოს თავდაცვისუნარიანობის შესუსტებისკენაა მხოლოდ მიმართული. როგორც ჩანს ესაა ის მნიშვნელოვანი საკითხი, რომელსაც კარასინი-აბაშიძე ჟენევის ფორმატის გარეშე განიხილავენ. ჩრდილოატლანტიკური ალიანსის და ამერიკის შეერთებული შტატების მიერ საქართველოს სახელმწიფო უსაფრთხოების და თავდაცვისუნარიანობის ამაღლების მხარდაჭერის პარალელურად, მთავრობა რუსულ ტანკებს გზებს უგებს და ეს გზა ევროპაში ნამდვილად არ მიდის. ესაა კოლაბორაციონიონისტული პროექტის ხორცშესხმა და ტყუილად ფიქრობს ვინმე რომ მოსახლეობას თვალებს აუხვევს“, - აღნიშნავს მუხრან ბურჭულაძე.