თბილისის მერი, დავით ნარმანია, მერიის თანამშრომლებზე ზეწოლის ფაქტებს წინასწარ მომზადებულ პროვოკაციებს უწოდებს.

თბილისის მერი აცხადებს, რომ ნებისმიერი სამართალდარღვევა საგამოძიებო ორგანოების მიერ სათანადოდ იქნება გამოძიებული და პირადად გააკონტროლებს ამ პროცესს. თუმცა, მისივე თქმით, მერიის სამსახურებში გაკეთებული ფარული ვიდეოჩანაწერები პროვოკაციული ხასიათისაა, ამიტომ პასუხისმგებლობა ორივე მხარეს ეკისრება.

„როცა რაიმე სახის სამართალდარღვევა ან კანონდარღვევ ხდება, სჯობს, საქმე საგამოძიებო ორგანოებმა გამოიძიონ. მე ვიცნობ საგამოძიებო მასალებს და ვაპირებ, ამ საკითხს სათანადო ყურადღება მივაქციო, რათა მსგავსი ფაქტები არ განმეორდეს. მაგრამ, აქვე დავძენ, რომ ეს არის წინასწარ მომზადებული პროვოკაცია. ამიტომ პასუხი ორივე მხარემ უნდა აგოს,“ - განაცხადა "რუსთავი2"-თან ინტერვიუში დავით ნარმანიამ.