გაზეთი „ვერსია“ ბიზნესმენ მიხეილ ხუუტიას ინტერვიუებიდან ამონარიდებს აქვეყნებს.

„დავიბადე და გავიზარდე ქართველად, მაგრამ მოსკოვში გავრუსდი. საუზმედ - შვრიას მივირთმევ, ღვინო კი წვენებით ჩავანაცვლე. სულით რუსი ვარ და ქართული მენტალიტეტი უკვე არ მესმის. ყველა ჩემი მეგობარი აქაა. რუსეთში ჩამოსვლის შემდეგ სამშობლო აღარ მიხმობდა. დაბრუნების სურვილი აღარ მქონია; საქართველოს კეთილდღეობის გასაღები ღმერთისა და რუსეთის პრეზიდენტის ხელშია. საქართველოს გაბედნიერებას ღმერთისგან უნდა ველოდოთ, თუმცა ბატონი პუტინის გარეშე ეს საკითხი არასდროს გადაწყდება. მთავარია, ნდობა აღდგეს, მოხდეს პირველი პირების შეხვედრა და რაც უფრო ჩქარა მოხდება ეს, მით უკეთესი.

ჩემი სურვილი იქნებოდა, პუტინს ირაკლი ღარიბაშვილი შეხვდეს, რადგან ეს უფრო პროდუქტიული აღმოჩნდებოდა. დარწმუნებული ვარ, ქართველი ხალხი უყვარს და ქართველი ხალხის მეგობარია პუტინი. რაც შეეხება წარსულს, ამაში საქართველოს ყოფილ რეჟიმს ვადანაშაულებ. რა შეიძლება მოხდეს ისეთი, რომ რუსეთმა უკან წაიღოს საქართველოს ოკუპირებული ტერიტორიების დამოუკიდებლობის აღიარების გადაწყვეტილება? დღეს ეს ირეალურად მეჩვენება. თვითონ საქართველოც არ არის მზად. დასავლეთსაც აწყობს ეს „სტატუსკვო“. უნდა მოვიფიქროთ სხვადასხვა ფორმა, რომ რამეს მივაღწიოთ. საქართველოს მოსახლეობაც არ არის მზად, ხვალ რუსეთმა თავისი გადაწყვეტილება უკან წაიღოს ჯერჯერობით, საქართველოს მოსახლეობაში დათესილია აზრი, რომ რუსეთი არის საქართველოს მტერი“, - წერს გაზეთი „ვერსია“.