რა ორმხრივი მოლაპარაკებები გაიმართა შვეიცარიაში - ეს არის კითხვა რომელიც გაუჩნდა ოპოზიციას იმ ფონზე, რომ რუსეთ-საქართველოს დიალოგის მხოლოდ ორი ფორმატი არის ცნობილი, საერთაშორისო მოლაპარაკებები ჟენევაში და კარასინ-აბაშიძის დიალოგი.

საპარალამენტო ოპოზიციაში აცხადებენ, რომ რუსეთთან დიალოგის წარმართვა აუცილებელია, თუმცა მათი თქმით, ეროვნული ინტერესების საზიანოა, რუსეთთან მოლაპარაკებების წარმოება, მათ შორის ძალისგამოუყენებლობის შეთანხმების რუსულ პროქტზე, იმ ფონზე, როდესაც ამ მოლაპარაკებებეას არ ესწრებიან საერთაშორისო პარტნიორები.

„ჩვენ რუსეთთან დიალოგი უნდა გვქნოდეს, მაგარმ დიალოგი უნდა გვქონდეს მხოლოდ და მხოლოდ საერთაშორისო ფორმატების ფარგლებში, ჩვენი საერთაშირო პარტნიორების თანდასწრებით და მათი მხარდაჭერით, სხვაგავარად შეუძლებელი იქნება ჩვენ გავუძლოთ იმ ტიპის ზეწოლას, რაც დღეს რუსეთისგან მომდინარეობს. ქართველ დიპლომატებს ბიძინა ივანიშვილის და ირაკლი ღარიბაშვილისაგან აქვთ მკაფიო ინსტრუქცია, რომ ხმა არ ამოიღონ რუსეთის ისეთ თავხედურ განცხადებებზე როგორიც თუნდაც გუშინ იყო - ეს ძალიან დიდ ზიანს აყენებს ჩვენს ეროვნულ ინტერესებს“,- განაცხადა ზურაბ ჭიაბერაშვილმა.

„ახლა ირკვევა რომ თურმე რაღაც კიდევ მესამე ფორმატი შემოიღეს, სადაც რუსები აბსოლუტურად თავხედურად კვლავ აყენებენ ისეთ საკითხს, რომელიც არაერთხელ იქნა განხილული და ყველამ კარგად იცის, რომ კონფლიქტის მხარე არის სწორედ რუსეთი და რუსეთს და საქართველსო აქვს კონფლიქტი და არა საქართველოს და ცხინვალს და საქართველოს მთავრობასა და მარიონეტულ აფხაზეთის ხელისუფლებას, შესაბამისად და სწორედ რუსეთმა უნდა აიღოს ვალდებულება ცეცხლის განუახლებლობის შესახებ, რაც ქართულ მხარეს ისედაც დიდი ხანია, ორჯერ აქვს, უკვე აღებული“,- განაცხადა გია ბარამიძემ.