ფოთელი მეთევზეები მთავრობის დადგენილებაში შესულ ცვლილებებს აპროტესტებენ და პერმანენტული აქციებით იმუქრებიან. მეთევზეებმა მათი უკმაყოფილების მიზეზებზე ფოთში გამართულ საპროტესტო აქციაზე გაახმაურეს. მათი თქმით, შეზღუდვები, რომელიც ახალი კანონმდებლობით პალიასტომის ტბაზე თევზაობის წესებს ცვლის, მათ სერიოზულ პრობლემებს შეუქმნის და ფინანსურად დააზარალებს.

მეთევზეებს კოლხეთის ეროვნული პარკის ადმინისტრაციის წარმომადგენელი შეხვდა და მათ დახმარებას დაჰპირდა. მანამდე კი აქციის მონაწილეებთან ფოთის საკრებულოს წევრებიც მივიდნენ, თუმცა მათი დიალოგი სიტყვიერ დაპირისპირებაში გადაიზარდა. კოლხეთის ეროვნული პარკის ხელმძღვანელი აცხადებს, რომ მეთევზეების პრობლემა მალე მოგვარდება.